អតិថិជនជោគជ័យ

លោកស្រី ហេង សារឹម

លោកស្រី ហេង សារឹម រស់នៅ ផ្ទះលេខ២៣ ផ្លូវលំ ភូមិព្រែកហូរកើត១ សង្កាត់ព្រែកហូរ ក្រុងតាខ្មៅ ខេត្តកណ្តាល។

លោកស្រីសារឹម មានសមាជិកគ្រួសារសរុបចំនួន៥នាក់។ លោកស្រី មានមុខរបរជា អ្នកដាំបន្លែគ្រប់មុខ ដោយសារតែមានតម្រូវ ការប្រាក់កម្ចីដើម្បីពង្រីកដើមទុន លើមុខរបររបស់គាត់ លោកស្រីបានស្នើសុំប្រាក់កម្ចីពីគ្រឹះស្ថាន សិរីឧត្តម មីក្រូហិរញ្ញវត្ថុ ភីអិលស៊ី នៅវគ្កទី១ចំនួន៤លានរៀល ដើម្បីបន្ថែមទុនលើការទិញម៉ូតូចំនួន មួយគ្រឿង សម្រាប់ដំណើរការដឹកជញ្ជូនបន្លែបង្ការ ទៅកន្លែង លក់ដូរ។ បន្ទាប់មក លោកស្រីក៏បានស្នើសុំកម្ចីវគ្គទី២ ចំនួន២.៥០០ដុល្លារអាមេរិក ក្នុងការទិញសម្ភារៈប្រើប្រាស់ក្នុងផ្ទះមួយចំនួន។ ហើយលោកស្រីបានបន្តកម្ចីពីគ្រឹះស្ថាន សិរីឧត្តម មីក្រូហិរញ្ញវត្ថុ ភីអិលស៊ី  នៅវគ្គទី៣ លោកស្រីស្នើសុំកម្ចីចំនួន៦.០០០ដុល្លារ អាមេរិក ក្នុងការបង្កើតទុនបង្វិល សងថ្លៃទិញម៉ូតូមួយគ្រឿង និងសាងសង់ផ្ទះឲ្យកូន។

គោលដៅអនាគតរបស់លោកស្រី គឺចង់បង្កើតកន្លែងចិញ្ចឹមមាន់ និងពង្រីកដីកសិកម្មឲ្យបានធំជាងមុន ហើយលោកស្រី និង ក្រុមគ្រួសារ ពិតជាមានគោលបំណងបន្តកម្ចីជាមួយគ្រឹះស្ថាន សិរីឧត្តម មីក្រូហិរញ្ញវត្ថុ ភីអិលស៊ី លើកក្រោយទៀត។


លោកស្រី ថៃ ឡឹក ​

លោកស្រី ថៃ ឡឹក រស់នៅ ភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្តាល។

ក្នុងគ្រួសារលោកស្រីថៃ ឡឹក មានសមាជិកទាំងអស់៤នាក់។ លោកស្រីមានមុខរបរ ធ្វើចំការ ដាំដំណាំឈូក (យកក្រអៅឈូក ផ្លែ និងធ្វើគ្រលីងឈូកលក់)។

លោកស្រីថៃឡឹក មានតម្រូវការពង្រីកអាជីវកម្មរបស់គាត់ ដោយស្នើសុំប្រាក់កម្ចីពីគ្រឹះស្ថាន សិរីឧត្តម មីក្រូហិរញ្ញវត្ថុ ភីអិលស៊ី ចំនួនពីរវគ្គ ដោយនៅវគ្គទី១ លោកស្រីបានស្នើសុំកម្ចីចំនួន ១០.០០០ដុល្លារអាមេរិក ដើម្បីរៀបចំសាងសង់គេហដ្ឋាន សម្រាប់ការ រស់នៅបច្ចុប្បន្នរបស់គាត់ឲ្យបានស្អាត និងធំទូលាយជាងមុន។ នៅវគ្គទីពីរ លោកស្រីបានដាក់ពាក្យស្នើសុំប្រាក់កម្ចី បន្ថែមចំនួន ១០.០០០ដុល្លារ អាមេរិក ទៀត ដើម្បីផ្គត់ផ្គង់ការសិក្សារបស់កូនៗ។

នៅពេលអនាគត លោកស្រីថៃឡឹក មានគោលបំណងពង្រីកអាជីវកម្ម​របស់គាត់ឲ្យកាន់តែធំជាងមុន   ហើយលោកស្រីក៏​មានគម្រោង​ចង់​ខ្ចីបន្ថែមទៀតពីគ្រឹះស្ថាន សិរីឧត្តម មីក្រូហិរញ្ញវត្ថុ ភីអិលស៊ី ផងដែរ​ ។


លោកឈុំ មឿន

លោក ឈុំ មឿន រស់នៅ ផ្ទះលេខ២៧១ស្ទួន ភូមិ០២ សង្កាត់បឹងសាឡាង ខណ្ឌទួលគោក រាជធានីភ្នំពេញ។

លោកឈុំ មឿន មានសមាជិកគ្រួសារសរុបចំនួន៤នាក់។ លោកឈុំ មឿនប្រកបរបរជួសជុលរថយន្ត ​និងលក់គ្រឿងបន្លាស់គ្រប់ ប្រភេទ ដោយសារមានតម្រូវការពង្រីកអាជីវកម្មបច្ចុប្បន្នឲ្យបានប្រសើរឡើង លោកបានដាក់ពាក្យស្នើសុំប្រាក់កម្ចីពី គ្រឹះស្ថាន សិរីឧត្តម មីក្រូហិរញ្ញវត្ថុ ភីអិលស៊ី ចំនួន២វគ្គ ដោយវគ្គទី១ លោកស្នើសំចំនួន២៧.០០០ដុល្លារអាមេរិក ដើម្បីទិញផ្ទះនៅភូមិសំរោង ដើម្បីបង្កើតទីតាំងអាជីវកម្មរបស់លោក។ ហើយក្រោយពីដំណើរការមួយរយៈ លោកក៏បានស្នើសុំកម្ចីវគ្គទី២ ចំនួន១០.០០០ដុល្លារ គោលបំណង​ជួសជុលហ្គារ៉ាស់របស់គាត់បន្ថែម។

ដើម្បីពង្រីកហ្គារ៉ាសឲ្យបានធំជាងនេះ ហើយលោកនឹងមានគម្រោងខ្ចីបន្តពីគ្រឹះស្ថាន សិរីឧត្តម មីក្រូហិរញ្ញវត្ថុ ភីអិលស៊ី ផងដែរ ដើម្បីពង្រីកអាជីវកម្មរបស់លោកនៅពេលអនាគត។